Ամփոփում ենք Հ. Թումանյան

Հ.Թումանյան համայն հայոց բանաստեղծ: Անգնահատելի է նրա դերի և ստեղծագործությունների ազդեցությունը: Մեր դասաժամերի ընթացքում մենք կարողացանք տեղեկություններ ստանալ նրա կյանքի և կենսագրության մասին, ուսումնասիրեցինք նրա ստեղծագործությունները, որոշ բանաստեղծություններ սովորեցինք անգիր, կարդալով քառյակներն մենք կազմակերպում էինք քննարկումներ,այդ քննարկումների ընթացքում յուրաքանչյուրիս հնարավորություն էր տրվում արտահայտել սեփական կարծիքը դրանց մասին:  Այդ ընթացքում մենք հասցրեցինք  կարդալ նրա հեքիաթները: Երևի բոլորս էլ մանկության տարիներին կարդացել ենք այդ հեքիաթներն, բայց դրանք կարդալով հիմա՝այս տարիքում, դրանք հասկանում ենք մի այլ ձև, հիմա ավելի հեշտ է հասկանալ և ըմբռնել այդ հեքիաթների իմաստը, ավելի խորանալ նրանց իմաստի մեջ: Իրականում մարդիկ երբեք չեն ծերանում հեքիաթների համար, հեքիաթներ կարելի է կարդալ ամեն տարիքում և ամեն անգամ դրանցից սովորել ինչ-որ բան: Բացի ստեղծագործություններ կարդալուց, մենք սովորեցինք երգել ,,Ախ ինչ լավ է սարի վրա՛՛ ստեղծագործությունն: Ամփոփելով  վերոշարադրածս կցանկանայի ևս մեկ անգամ նշել Հ. Թումանյանի բանաստեղծությունների, հեքիաթների կարևորությունն ու դրանց ուսումնասիրման անհրաժեշտությունն յուրաքանչյուրի համար: